البارحه رمح السهر جـار وتفرعـن بالجفـون

البارحه رمح السهر جـار وتفرعـن بالجفـون
لين اخضعت له رغبتي واستسلم الجفـن اليتيـم

سريت انا والنجمتيـن اللـي عليهـا يهتـدون
وذكرت ثالثنا تحت رعـب الظـلام المستديـم

مدري الحنين يردنـي للأمـس وايـام المجـون
او زير منجبة الوفا في ذا الزمان اصبـح عقيـم

يااهيه..ياصدر العنا لولاي ما اشقـى باللحـون
كان اصبحت روحي رمل والعظم كالجرد الهشيم

غنيت وازعجت الجروح اللي بكت فرقا العيون
وصار عشاق الغنا ترقص على جرحـي الاليـم

الاقنعـه والازمنـه والالسنـه والـلامـزون
صارت تحت ضوّي فراش ايحدني يـم الجحيـم

وبض الامل مافادني انسـى تغاريـد الشجـون
حتى وانا في سلوتي القـا الالـم اوفـي نديـم

لون الحبر في دفتـري مـع واقعـي يتشابهـون
اسود كئيبٍ منظره يكتـب شقايـه فالصميـم

امقيده يافرحتي من خلـف قظبـان السجـون
وقفل قيدك في بطن حـوتٍ يناحـره النسيـم

قالوا تحلااا بالصبرواحذر تجـي للغافلـون
واليا تخطراك الردى عوّذ من ابليـس الرجيـم

قلت السهر ماطاعني جار وتفرعـن فالجفـون
لين اخضعت له رغبتي واصبح وسط عيني مقيـم

فـــــــــــــارس نجد

صــــــــــــــــــح بــــــــــــــوحك

دمت بود

كلمات رائعة ..
دمت مبدع ..
بانتظار جديدك يا بطل ..

فارس نجد
اختيار رائع

واحساس اروع


يعطيك العافيه

ولاعدمناك ولاعدمنا جديدك