السلام عليكم ورحمه الله وبركاته سمعت هالسالفة الغريبة العجيبة من الام نفسها هذى القصة صارت فعلا فى راس الخيمة واللى مامصدق سالفتى بعطيه رقم الام علشان يتصل بنفسة ويتاكد السالفة من البداية عاشت قصة حب مع شاب تقريبا سنتين وتحدوا اهلهم عشان يتزوجوا المهم تم الزواج بعد عذاب وتعب وكان احسن عرس حسب ماتقول مرت السنوات جابت الام الولد الاول وبعده الثانى وبعده الثالث حتى الخامس ولما حملت سادس مرة قال لها زوجها انا ابغى بنت ولو جبتى بطلقك الام انصدمت من كلمة بطلقك وقالت اسوى المستحيل ولايطلقنى يبغى بنت اجيبله بنت بس كيف؟؟؟؟ مالقت طريقة الا صديقتها ام نوف قالتلها بالسالفة وقالت لها ساعدينى المهم فكرت ام نوف وقالت ولايهمك خلى بس موعد الولادة يجى عقب يصير خير ام نوف عندها معارف فى احدى المشتشفيات براس الخيمة قسم الولادة المهم اتفقت مع الدكتور علاء احمد خواجة على انه اذا جابت الام ولد يبدل الولد مع اى بنت مولودة فى المستشفى وقالت الام بدفعلك اللى تباه بس سوى هالطلب المهم غرته الفلوس وعلى قوله المثل الفلوس تعمى النفوس وافق الدكتور علاء على طلبهم يوم جا وقت العملية ولدت الام بس شو جابت جابت ولـــــــــــــــــد ولد مثل القمر بس للاسف بتستغنى عنه جا الدكتور عند الام عشان يفحص حالتها قالت له يلا روح بدل الولد قبل لايجى زوجى ويطلقنى شوفوا كيف تستغنى عن ولدها بكل سهولة وبرود رد عليها الدكتور لا اسمحولى مااقدر اشارك فى هالجريمة ردت الام قالت كيف بعد ماخذيت الفلوس تقول كذا المهم الام وصديقتها مب فاضين حق الدكتور راحت ام نوف صديقتها تفكر وبعدين قالت شنو رايك نذبحة وبعدين نقول لزوجك انك جبتى بنت بعدين ماتت قالت لا كيف اذبح قطعة من لحمى ودمى قالت ام نوف كيفك خلى زوجك يطلقك خافت الام من هالكلمة قالت صديقتها ام نوف شو رايك ندفنه فى الصحراء ونخليه يموت بروحه المهم الام بعد مااقتنعت راحت هى وصديقتها وسوا فعلتهم بس قبل لاتدفنه رضعتة من حليبها ودفنته ردت الام بيت زوجها قالت له جبتبنت بس ماتت قال كذابة انا لازم اروح اتاكد بنفسى صديقتها ام نوف راحت المستشفى واتفقت مع بعض الدكاترة والممرضين على انه اذا جا الزوج يقولوا له ان زوجتة جابت بنت بس ماتت وغرتهم بالفلوس راح الزوج واتاكد وطلع انه فعلا زوجتة جابت بنت بس ماتت المهم صدق انه فعلا البنت ماتت والام قلبها متقطع على ولدها اللى دفنته بعد مرور شهر هنى تبدا السالفة بعد شهر او اكثر بشوى راحت الام عند صديقتها وقالت لها انا ابغى اشوف ولدى بروح عند ولدى قالت ام نوف ياهبلة ولدك مات صار له اكثر من شهر انسيه يامجنونة قالت الام قالت انا بروح الحالي واذا بتيين انا هناك المهم راحت الام لين ماوصلت المنطقة اللى دفنت فيها ولدها تمت الام تدور عن المكان اللى دفنته فيه لان صحراء وصار لها اكثر من شهر من لما دفنته فيها جات صديقتها وقالت الصراحة ماقدرت اخليك بروحك قالت الام للحين مالقيته تمت الام وصديقتها يدورون ع الولد فجاة فجاة وبدون انذار فجاة سمعت الام وصديقتها صوت طفل يصيح صرخت ام نوف وقالت اعوذ بالله هذى صوت جنى المنطقة مافيها احد قالت الام لا هذى صوت ولدى قالت ام نوف ياهبلة ولدج مات تعرفين يعنو شنوا مات يعنى خلاص انسي انك تسمعين صوته المهم الام اصرت وقالت انا قلبى يقولى ان هذا صوت ولدى ولازم اروح اشوفه سارت الام وصديقتها لين ماوصلوا مكان الصوت وشو تتوقعوا شافواهناك شافوا شى غريب شى مايخطر ع البال شافوا والله شى غريب اللى شافوة هو ان الولد اهو اللى كان يصيح ولقوة حافر مطلع نفسة من تحت سبحان الله شهر كامل تحت الرمال الحارة والشمس الحارقة بدون اكل ولا شرب وعمره ماكمل الشهرين سبحان اللة خلونى اكمل المهم خافت ام نوف وقالت لا هذا مب ولدك الام فرحانة لانها شافت ولدها ومطنشه لام نوف المهم شو تتوقعوا سوا الولد شى اغرب من اللى فات شى غريب وغريب وغريب لوعرفته اكيد بتستغرب وبتقول سبحان الله اللى سواه الولد ايوه تكلم وقال ماما ماما ماما وفوق ماما زاد كلمه وقال ماما ماما ماما انا جائع بالعربية الفصحى قالها جائع مو جوعان هذا حسب ماتقوله الام سبحان الله المهم بكمل السالفة جت الام عشان بتحضن ولدها وترضعة من حليبها صرخت صديقتها ام نوفوقالت لالا هذا مب ولدك هذا مب انس هذا جنى خلينا نروح قالت لاهذا ولدى وهو من شده الجوع تكلم برضعه ويستوى اللى يستوى المهم حضنت الام الولد صرخ الولد صرخة قوية وقال ماما ماما ماما انا جائع بس بس بس ماابغى من حليبك شوفوا تخيلوا وقولوا سبحان الله من كثرة الولد كارة امة قال لها ما ابغى اشرب من حليبك سبحان اللة بكمل السالفة شو قال الولد ماما ماما انا جائع بس ماابغى اشرب من حليبك وكمل وقال ماما ماما انا ابغى ابغى اشرب حليب حليب نيدو صادوه للحين مصدق القصة وتبون رقم الام وهى فاضية واللى فيها يكفيها ههههههههههههههههههههههههه عسى اندمجتو بس
__________________
وين الردود
no love no 3awar raaaas
خخخخخخخخخخخخخخ تسلمي على الموضوع
ههههههههههههههههههههههههههههههههه تهي تهي تهي <<<<<<متحمسه ابي اشوف النهاية يعطيك الف عافيه تقبلى مروري دمتي بود هـــــــــــيـــــــــو مـــــــــــة
ههههههههههههههههه حراااااااااام عليكـ عيوني طلعت واا اقرا واخرشي كذا.. تسلمين ياعسووولهـ
الله يروجك خليتيني اكملها ونهايتها مرررررررررره حلوه ههههههههههههههههههههههههههههههههههههههههه يسلمووووووووووووووووووو وانا والله كنت متحمسه حسبته بييضربها شي>>>>>>>نونو صغير يضرب؟؟؟؟
__________________ اانا رجعت كنت مسافره والله اشتقت ل ملاك الاحاسيس مررره
طفل يخرج من قبره لينتقم من امه
![[ Thanks Pink & Candy 3hood ]](images/Pink-Candy/Pi-Ca-50.gif)
رد : طفل يخرج من قبره لينتقم من امه
![[ Thanks Pink & Candy 3hood ]](images/Pink-Candy/Pi-Ca-48.gif)
![[ Thanks Pink & Candy 3hood ]](images/Pink-Candy/Pi-Ca-53.gif)
العرض العادي
