من يشتري مني قصايد حزينه

من يشتري مني قصايد حزينه ==== ويبع لي شعر بلا هم واحزان

مليت من شعري وقلبي وأنينه==== ودي أعيش العمر وأكون فرحان

ودي أعوض مر عمري وسنينه=== وأنسى زمان ليته اليوم ماكان

أريد أنسى كل ذكرى دفينه===== خلاص يكفي ومن لظى الشوق تعبان

أيام ماتسوى ودنيا لعينه ===== ياما سهرت اذرف من الويل نيران

يامابكيت بحسؤتي والغبينه==== ياما شكيت ويعلم الله سيحان

عجزت ألاقي في هواي السكينه === عجزت ألاقي لبسمتي اي عنوان

تايه انا في بحر مثل السفينه ==== تايه ولا عندي دليل وبرهان

اكتب قصايد والمشاعر سجينه === في حزنها وتعزف مواويل والحان

واجر ونات ونفسي رهينه===== ودمعة الم تحوي مجاميع للالوان

الله يجازي اللي سحرني بعينه === واخر تركني في شقا الهم غرقان

عشرة عمر ياناس بيني وبينه === سجلتها ذكرى في ستين ديوان

من يشتري مني قصايد حزينه ==== ويبع لي شعر بلا هم واحزان

أرى الحزن يملؤ حياتك وكلماتك

عودي للحياة

كوني متافئله...واشعلي الشموع

كان الله في عونك

الحزن مايدوم انشالله بيجي يوم وربي يفرجها من عنده يعطيكـ العافيه

مشكورين حبايبي الله يبعد عنكم الاحزاااااااان يارب
نورتو موضوعي