بلييييييييييييز حلوني المسأله فيها طلاق

ياناس انا باقي شويه وانتحر خلاص وصلت لمرحله اني نفس اموت وارتاح انا مملكه على ولد عمتي طيب مره يحبني ويموت فيا من يوم عرف نفسو يعني اتربا على حبي انا عارفه هذا الشي ومقدراه مره وعارفه انو كل وحده تتمنى هذا الشي لو اطلب لبن العصفور يجيبو ليا انا زمان ماكنت احبو مره خاصة بعد ماعرفت انو يبغاني لأني ماابغى اتزوج واحد من اقاربي تاني شي بحكم انو مو ساكن في المدينه الي انا عايشه فيها كنت عارفه انو فيه اختلاف كبير بيني وبينو الكلام هذا قبل 4 سنين كان كل فتره تدق عمتي وكنت كالعداه ماالرضى فماما تصرفهم بكلام زي استنو ولا احنا دحين مشغولين اجلو الموضوع لأنو ماما تبغاني اوافق لانو ولد كويس ومدري ايش المهم بعد مااديت نفسي فرصه لانو اهلي كانو يزنو عليا حتى اخواني واقاربي من جهة ماما يزنو عليا يقولو انو مره كويس وانو مستقبلو كويس المهم لمن اديت نفسي فرصه بدات شويه شويه تتغير افكاري عنو الين مااتعلقت فيه بعد ماشوفتو كم مره وبحكم انو اول انسان في حياتي حبيتو مررررررررررررررررررره وبجنون من جد كنت زي المجنونه كنت امشي واضحك من كتر ماانا فرحانه والكل طبعا لاحظ بعدين بدأت بيننا مسجات بشكل مره يضحك كان يدق على اختو ويقلها انو حيرسلي بعدين تدق هي عليا وتقولي استني وانا نفس الشي طبعا خلاص بعد المسجات كان هو اهم شي في حياتي طيب بعدين استنيتو ولمن كان باقيلو تقريبا شهرين او تلاته شهور على التخرج ملكنا وبعد ماملكنا تقدرو تقولو بدأت المشاكل اول شي كان موضوع السكن عشان يبغاني طبعا اسكن في البلد الي هو ساكن فيها بس على فكره هو درس الجامعه في المدينه الي انا ساكنه فيها عشان كده حبيتو لأني كنت اشوفو كتير انا ساكنه في جده وهو في جيزان طيب ونتو عارفين الفرق بين هنا وهناك طبعا سارت مشاكل القضا صح انا غلطانه لأني المفروض اكون عارفه هدا الشي من اول عشان هو ساكن هناك واهلو هناك جا جده بس فترة دراسه بس انا من كتر ماحبيتو ماكنت افكر او اتجاهل الشي ده بعد مشاكل كبيييييييييره رضيت غصبا عني ايش اسوي ماعندي حل غيرو دحين عندنا مشكله تانيه مالها حل مشكلة الغطا انا مااحب اغطي وجهي طيب وسرت اتلثم عشانو ومشي الموضوع فتره كبيره بس برضو فيه مشاكل ودحين جاييني يبغاني اغطي وجهي كامل قلتلو معليش انتا المفروض تختار من البدايه بنت على كيفك مو تختارني انا ودحين جاي تبغى تغيرني على كيفك بلييييييييييييز تراه مستني مني رد يا اوافق يا كل واحد يروح لحاله يعني نتطلق ايش رأيكم بليز حسو فيا طولت بس من الي فيا

اول شيء ياقلبي الفرق كبير زي ماقلتي صح بين جده وجيزان ما اختلفنا فـ هذا الشيء وانا من سكانها كمان
وحكاية انك ماتحبي تغطي وجهك هذا شيء خاص فيك ممكن قبل الزواج بسـ انتي الحين صرتي مسئوله من زوج
وله مكانته فـ المجتمع وبين الناس ومعتقد فـ انسان يرضى يشوف زوجته جنبه وكاشفه وجهها للناس كل انسان
يكحل عيونه فيها وغيرتي الوضع وسوتي لثام بسـ برضه وربي جيزان مافيها الا القيلل اللي ممكن يسو حكاية
الثام للي تقولي عليها ينعدو عدد عـ الأصابع وبعدين اهل جيزان ناس معروفين مررره يعني اللي فـ الشرق يعرف
اللي فـ الغرب والعكس صحيح انا اعطيتك رئي عشان حبك مايروح ويضيع ياليت تسمعي كلام زوجك ممكن تقولي
اذا تنازلت فـ كل شيء من البدايه خلاص راح يتعود عـ كذا وراح تصيري تتنازلي فـ كل شيء بعدين لا المفروض تقولي له انا الحين تنازلت عن هذي الأشياء عشان خاطرك بسـ وارجوك لا تكون فـ تنازلات فـ المستقبل اذا رضي
بهذا الكلام كويس واذا رفض براحتك وشوفي الشيء اللي يريحك لانك انتي برضه انسانه ولك شخصيتك الخاصه فيك بغض النظر عن الأشياء البسيطه اللي حكتي انتي عنها لان بسراحه اهل جيزان مررره ناس معروفين ولو تذكري العائله للي هو منها ممكن اطلع اعرفه عشان كذا لازم تقدر ضروف حبيبيك وفـ الأخير ماقول غير الله يسعدكم مداء الحياه ولا يفرق بينكم يارب

رائي من رأي جالكسي
أسمعي كلام زوجك و حرام تهدمي بيت زوجيه من اجل ثام

وبعدين ما فيه الا حل انه ينقل جده وفكي اللثام !!!

هذا وجهت نظر ..

اها شكرا على نصايحكم ليا من جد مرررررررره شكرا انشالله ربي يهديني

العفو ياقلبو الله يسعدك يارب مع حبيبك وزوجك كمانا

انا من رائيهم ماتهدميش الحياه عشانخاطر انك تغطى وجهك
طالمة بتحبية وعايزاه خلاص كل حاجة تهون
ورضي الزوج من رضي الرب
ربنا يوفقك

والله حكايتك نفس الي صار معايه من البدايه الى النهايه ونفس الاسباب السكن واللثام
وكل واحد في مدينه
وماني عارفه اش اسوي

بصراحه انا رايي من راي جالكسي ومستر المفروض ماتهدمي حياتك علي شان لثمه اشياء مثل كذا وبعدين من كلامك انه يحبك ويموت فيك وانت كمان وانسان كويس واخلاقه عاليه مركزه كويس وخصوصا انك اذا تركتيه راح تندمي وماراح تلقي شخص يعزك ويحبك مثله خصوصا ان الشباب اللحين تغيرو يعني نادر ماتلقي واحد فيه مميزات زوجك
انا من جد متفاعله معك وحاسه فيك وقلبي عليك علشان كذا اقولك اسمعي كلام زوجك وحاولي ترضيه وتكسبيه حتى تدخلي الجنه بسببه الله يسعدك ويوفقك امين