العطر

فاح عطر القصيد وغردن الفرايد
من ضميرن على بدع المثايل رهاوي
واشلعن من غصون الشعر ندر القصايد
شردن مايروضهن قريب الهقاوي
واستوت طبخة المعنى بجمر الوقايد
لين ذيب القصيد من الوله جاك عاوي
حالف إني لعلقها قلايد قلايد
لين ماعاد تطلع من ذهن كل راوي
وكان ماأرضيت راعي الموهبه والمحايد
والله إني لصير عن القصايد نحاوي
أعشق الشعر وأخذ من سنيني فوايد
وأتجود وأنا اللي ماقطعت الرجاوي
وجعل يومن جمعنا بالإمارات عايد
دولة ماحكمها غير حرن نداوي
لين صار الأمن والعز والخير سايد
ومن يجيها فقير يروح عنها غناوي
أعشق ترابها وأحبها حب زايد
ودي أروح عنها مير ماني بقاوي
أملكتني وأنا قلبي من الحب جايد
وحبها مايداويه الطبيب المداوي
ودعت قايدن غالي وفرحت بقايد
عنده أكبر مصيبه مثل شرب القهاوي
له عضيدن على هامات الأمجاد رايد
من هو اللي براعي الطيب والمجد غاوي
سعد منهو تعزوابه نهار الشدايد
يوم فعل الشجاع يبين وقت العزاوي
وأنا من ديرتن فيها وساع البنايد
دولة آل السعود مزبنين الجلاوي.




تحياتي /

دوما مبدع في طرحك وفي نسج الاحرف
سلمت الانامل الذهبيه
دمت بود