هههههههههه قلوب موضوعك كشخه

تسلمين كثري من هالمواضيع اللي تجيب الفضايح نياهاهاهاهاها


انا عندي كم موقف يفشل تذكرته وقلت احط واحد ولي رجعه اكتب المواقف الباقيه


يالله نبدا اول شي التعريف بالشخصيات << من كثرهم كلهم انا وصديقتي


اول مافتحت المسن لقيتها وحصلت بينا هذي المحادثه




أنا:صبح صبح ياعم

صديقتي : هلوووووين ماشفناك يادبا من امس

أنا: مو فاضيه لوجهك تدرين اني مشغوله من راسي لكرياسي << تجهز لسفره

صديقتي: حركات متى مسافره

أنا: بعد اسبوع

صديقتي: بعد اسبوع وساحبه علينا من امس الله يخلف على العقل

أنا: حرام لاتحطمين معنوياتي مسافره اليوم ياتسلبه بس امزح معك

صديقتي: حتى انا اليوم مو فاضيه بس قلت اشيك على الموجودين هون

أنا: برب دقيقه لا تسولفين وحدك بنادي اخوي يشيل اغراضي من غرفتي وراجعتلك




(ترى هي ماشافت هالجمله الأخيره قاعده تكتب قصة حياتها وانا طلعت انادي اخوي)


المهم رحت ناديت اخوي وقلتله ادخل غرفتي وشيل اغراضي وحطها في السياره

انا رحت اسوي شغله وهو دخل يشيل الأغراض وشده النور البرتقالي اللي يدل على ان المطفوقه ردت علي بالمسن

وهو بلقافته فتح المحادثه وعلى فكره تراه صغير بأول متوسط يعني



لقى انها كاتبه : ترى اليوم عيد ميلادي 22 ونااااااااااسه لو انك قريبه كان افرشلك ورد عشان تشرفيني وحفلتي بسويها باستراحه وكلها عناصر بنوتيه...أحسن من سفرتك


أخوي قرا هذا الكلام وسبحان الله بفطرته حس ان الكلام غلط


رد عليها وهنا مربط المصيبه اللي طاحت على راسي

قالها : أي حفله واي بطيخ هيه انتي ترى حرااااااااااااام عيد الميلاد مافيه الا عيد فطر وضحى لا تضحكين علينا بعيد ميلاد وعيد وفاه أنا اكره اللي يقلد ان شالله تموتين في الحفله


اشرايكم هههههههههههههههه

شافت كلامه وزعلت وقفلت المحادثه ومن بعدها وهي ساحبه علي وانا ياغافلين لكم الله لا هي اللي قالتلي ولا اخوي اللي قالي

سافرنا ورجعنا وكل يوم ادخل مااشوفها واحيانا احصلها واكلمها ماترد لين ماطفح الكيل عندي وقمت وخربتها انا

كتبتلها بالمسن:شوفي اسلوبك هذا مااطيقه ردي طيب قولي اشفيك واذا كرهتيني احذفيني احسن



تخيلوا وش صار....




حذفتني من عندها....



استغربت منها وماعرفت سالفتها الا بالصدفه مع الأيام وانا اتصفح محادثاتي القديمه الا والصدمه شفت رد اخوي عليها

عصبت منه وكنت هذاك اليوم بتفدا فيه بس شفت كلامه صريح وعفوي وتركته ولا حتى قلتله شي


ارسلتلها رساله على الايميل وقلتلها بكل شي من طأطأ للسلام عليكم

المهم مرت الأيام وتفهمت وتصالحنا ورجعنا طين على عجين ..احم عفوا اقصد سمن على عسل


بس الفايده العظيمه ان صديقتي هذاك اليوم ماسوت حفلتها وعافت اعياد الميلاد من يوم قالها اخوي ان شالله تموتين في الحفله

وهي تقولي هذا الكلام وكل ماادخل المسن واشوفها صار ضروري تسألني عن اخوي وعن اخباره وانا في كل مره اضحك



وسلااااااااااااااااااااااامتكم


لنا رجعه قديده وموقف قديد في الموزوع