يا ناس أعلنها علن هلالي وإن جار الزمن
الشـاعر فهد المساعد ولد الشـاعر فهد المساعد عـام 1398هـ في مدينـة الريـاض وعـاش أربع سنـوات من طفولتـه في الريـاض ليعـود بعدهـا إلى مسقط رأسه مدينة الرمحيـة ( 120ك شمـال الريـاض ) ودرس فيهـا المرحـلة الابتدائيـة ، ثم تركهـا بعد ذلك متوجهـاً إلى ( رمـاح) لإكمـال دراستـه وفي ذلك العـام توفي والده رحمـه الله ، وأكمـل فهد 6 سنـوات في هذه القرية ليغـادرهـا بعد انتهـاء المرحـلة الثـانوية. - وبعد انتهـاء المرحـلة الثـانوية بدأ الشـاعر فهد في رحـلة البحث عن الذات – كما يسميهـا - فتنقّل بين جامعـك الملك سعود ومعهد الادارة العـامة طالبـاً وبين عدد من جهـات العمـل ليستقـر به المطـاف أخيـراً موظفـاً في شركـة الاتصـالات السعـودية. بدأ فهـد كتـابة الشعر وهو في سن الثـانية عشرة من عمره وكـانت أول قصيدة كتبهـا هي قصيدة مرتبكـة الوزن كـانت عبـارة عن اعتـذار لوالدته (بسبب شمّها لرائحة الدخـان في فهـد ، وكتب فهـد لهـا ليوضح أن الرائحة كـانت بسبب صديقه المدّخن ) . بعدهـا بدأ فهـد في كتـابة القصـائد الغزلية ثم بدأت شهرته على النطـاق الضيق في قريتي الرمحية ورمـاح بسبب قصيدة كتبهـا في أخيـه تداولهـا الجمهـور القليـل هنـاك . بدأت دائرة الشهرة تتسـع لدى فهـد قبل خمس سنـوات عندمـا كان يقضي سهـراته مع أصدقـاءه يتداولون الشعـر ويتبـادلونه وفي أحد الليـالي استوقفه أحد الحـاضرين وطلب منـه تكرار أكثر من قصيـدة ليكتشـف فهـد فيمـا بعد أنه الشاعر والصحفي/ أحمد الفهيـد – والذي كـان صحفيـاً في مجلة فروسية وشعـر حينهـا بشاعرية فهد – وأخذ قصـائد فهـد ليقوم بنشرهـا ، ومن ثـم اتسعت دائرة النشر حينمـا أصبحت هذه النصـوص تحت يد الشـاعر عبدالله نـاصر العتيبي رئيس تحرير مجلة فـواصل ، ومن ذلك الوقت أصبحـت الصحف والمجـلات تسعـى خلف هذا الشـاعر وقصـائده وهو لا يرد أحداً – ما دامت مجلة محترمة وتحترم قرائهـا ( على حد قوله ) - أول قصيدة سليمـة كتبهـا الشـاعر كـانت : - :: يا صاحبي :: ياصاحبـي بالله خـل التغلـي وقت التغلي والدلع ذاك ولـى ماعاد معنا وقت تربط واحلـي دامه عدو الحب بالصوت علّى خذها صريحه حط نفسك محلي ادمح لك الزلات قدر وتغلى ؟؟ ولي حياة جابت الـذل ولـي لابو حياة صرت فيهـا تسلـى - أول قصيـدة نشـرت للشـاعر فهد المسـاعد كـانت بعنوان ( دفتر أوجـاعي ) ومنشورة باسم ( فهد السبيعـي ) . - ولأن الشـاعر فهـد يؤمن بخصوصية الشعر فهو يرى بأن الشعر أسمى من أن يورّث فهو يؤمن بأنه موهبة ولغة مبهمة لا يجيدها الا من حباه الله نعمة الحس الرفيع. - أقـام الشـاعر 7 أمسيـات شعرية – حتى الآن – 3 منهـا رسمية و 4 غير رسميـة ، واعتذر عن البقيـة لظروف تعود له أحيـاناً لانشغـاله المدينة والغريب : جا يشوف الحال كيفه بعـد ماهـزه حنينـه قبل يسألني سألته كيـف حالـك يالحبيـب؟ قال أنا كني غريب ضيـع دروب المدينـة قلت أنا كني مدينه تنتظر رجعـة غريـب. قال أجل وش فيك تلعن سيرة الحب وسنينه؟ قلت أنا وشلون ما العن سيرته دامك تغيـب أنت لا من غبت حتى مرايتك صارت حزينة كيف ما تبغاني أحزن وانت لي حظ ونصيب الهدايـا والرسايـل والمكاتيـب الثميـنـة والليالي والقمر والريح والكـون الرحيـب كل ما تبعد تجيب الشعـر ليـا مـن يدينـه وتقعد جروحي تودي في الطواريق وتجيب يا بعد كل القصيـد ونـزوة حـداه وأنينـه لا ذكرتك لاح بيت وطاح ورد وفاح طيـب وإن نسيتك ما نساني صوتك المبحوح لينـه ياخذ لجرحي بثأره من خطايـاك ويطيـب وبعد هذا جاي ترمي ذنبك بوجـه المدينـة ما دريت إن المدينه كلها شمعـة غريـب! مؤخراً أنهـى الشـاعر فهـد ديوانه الصوتي الأول بعنـوان ( المدينة والغريب ) وهي القصيدة التي عرفـته بشريحة أكبر من القرّاء والمتذوقين ، وهو متـواجد في الأسـواق الآن بطبعتـه الثـانية حيث انتهـت الطبعـة الأولى منـه في غضـون أسبوعين من نـزوله . ويحتـوي هذا الديوان على 18 قصيـدة منهـا الجديد ومنهـا القديم حيث حرص الشـاعر فهـد أن يحتوي الشريط على مفاجآت وعلى قصـائد جديدة لم يطلّع الجمهور عليهـا. ديوان الشـاعر فهد المسـاعد : الوجه الأول: خـلاص – المدينة والغريب – صالات المطار – لا تسافر – المراسيل – الدلوعة –سالفة عشـاق – أنت زعـلان – رسـالة الوجه الثـاني : هدية عيد ميـلادك – أعـز إنسـان – نديم الجرح – ثلاث سنين –كبوة جواد – اللي تركني –الناس- التوبة – يبـه . أهوجس فيك :: في عز ما كنت اهوجس فيك وأفتح لك أبواب قلبي خذتني رجلي لبابك وجيتك وأنا ما اذكر اني كنت رايح لك بس اني أذكر اني كذا لا طول غيابك يا ما ترددت مدري كيف بشرح لك أجيك وأرجع ابيك تقول وش جابك يا ابن الأوادم ترى مليت ألمح لك أنا اعزك وأحبــك وأعشــق ترابك لا ضقت أضيق ومتى تفرح أنا أفرح لك ولا غبت أموت ومتى ما شفتك أحيا بك ان كان ودك ترسيني على كحلك لميت عمري وخاويتك على اهدابك لكن قبل تنجرف حبيت اوضح لك مستقبلي في يدينك..واعمل حسابك لو ضاع مستقبلي مانيب سامح لك يكفيني الماضي اللي ضاع بسبابك :: يالحزن :: يالحزن ليتك مثل دمعي وتنزل لارقيت بس أعرفك لو مسحت الدمع تبقى ماانمسحت كان حلمي في وجود إنسان يبكي لا بكيت وصار حلمي في وجود إنسان يفرح لا فرحت :: شعور :: أشعـر إن عيونـك.. الله مـا خلقـهـا إلا عشـانـي كيف كانت تبتسـم لـه؟!.. قولـي إنـك تخدعينـه !! صورة إنـه كـان يمسـح دمعـك .. تزلـزل كيانـي وكيـف كـان يلـم شعـرك .. ويتبعثـر فـي يمينـه حتى اسمـك يـوم رحـت أدلله .. حظـي رمانـي.. بنفس الاسم اللي يقـول .. بذمتـك ماهـي غبينـه :: منفى :: امشي .. وأحسّ الناس من حولي أجسـاد وأغيب في صمتي .. وأشارف على النوح أهيـم فـي صدفـه علـى غيـر ميعـاد من كثر ياسـي قلـت للوقـت مسمـوح ما ادري اتوه .. او اهتدي .. بـس الوكـاد منفاي ما ادري موطني . . حذفـة جروح :: حيرة :: بالله قلي .. شعـوري هـذا وش يعنـي !؟ طمنّـي .. الله يطمـن هـمّـك وخـوفـك بيني وبينك .. ترى اللي صدق ضيعنـي ان انت في اخر لقا .. شارح لي ظروفك مدري وش اقول .. لكن تدري .. اسمعنـي خابرك وافـي .. و أبيـك تتـم معروفـك ان كنـت نـاوي تسافـر .. لاتودّعـنـي بـس انتبـه .. لا تسافـر قبـل مااشوفـك :: دلال :: لعن ابو ذكرى القصايد كان ذكراها محقـا كل بيت وذكرياته في ملامحهـا سـؤال : وينها اللي كنت انا والصبح ويديها شققـا؟ اي فال اللي رماني في خيالـك اي فـال؟ آه كان الشعر راح ورحتي انتي وش بقى مابقى لي غير اجر الصوت وأسري يادلال :: كبوة :: أحسب أني كسبت الكسب يـوم الجهـاد وجبت راس العنيد وشلت حمْل ( ابعدي ) وأثر كسبـي عيـون ٍ ماتـذوق الرقـاد وشاعـر كـل ماضاقـت عليـه يحـدي هيه ياللـي بديـت بشـي مثـل الوكـاد وأنتهيـت بظنـون ٍ حاربـت مـرقـدي أعتبر كل عمـري معـك كبـوة جـواد وألف شكرا على أني صرت اعرف آعدي يكفيني :: يكفيني ان انت لامن قلت وشلونك تطيب كل الجروح ويختلف لوني ان غبت عني شعرت بلذة طعونك وان شفت زولك شعرت بقيمة عيوني صالة المطار :: لين شفتك من ورى بيبان صالات الانتظار مقبله من كثر شوقك كنت اشوفك تركضين مرت(ن)ركضك يمين ونظرت عيونك يسار ومرت(ن)ركضك يسار ونظرة عيونك يمين تايهه ماكنك الا ضحكتن وسط انكسار ساكته ماكنك الا دمعتن فيها حنين خايفه وجله حزينه يعني كنتي باختصار تشرحين لكل جاهل معنى كلمة عاشقين ----------------- هذا غيض من فيض مما جادت به قريحة شاعرنا المبدع الشاعر .. فهد المساعد وضع بصمته على صفحات الشعر الشعبي. وترك له نورا وضّاءاً على جبينه... يتميز شعره بالجزالة والبساطة والقرب من أذن المتلقي في نفس الوقت
__________________ عبودي أحبك الله لا يحرمني منك تحياتي : يزيد الزامل